Nisin xhirimet e sezonit të dytë të serialit H.O.T, dalin pamjet

Seriali “H.O.T” do të rikthehet së shpejti me sezonin e tij të dytë. Aktorët kanë nisur xhirimet dhe këtë na e kanë zbuluar me postimet e fundit në Instastory. 

Kanë qenë Bjordi dhe Jonida që kanë postuar sot foto nga xhirimet duke treguar se puna ka nisur.

Këtë vit kastit të serialit “H.O.T” do t’i shtohen aktorë të tjerë shumë të famshëm në role të reja, të cilët mbeten surprizë për tu zbuluar.

Këtë vit seriali “H.O.T” vjen sërish nën autorësinë e Klaudia Brahimaj, me regji të Bjordi Mezinit dhe bashkëproducent Ermal Mamaqi dhe Dritan Huqi.

“H.O.T” arriti të mblidhte të gjithë shqiptarët para ekranit çdo të diel. Që me episodin e pare theu rekord duke arritur miliona shikime në Youtube (1.6 milion vetëm episodi parë) dhe vazhdoi të thyente vazhdimisht duke u bërë një nga serialet më të ndjekur. Sezoni i parë përfundoi në një pjesë kulminante, prandaj që të gjithë shikuesit prej asokohe po presin me padurim nisjen e sezonit të dytë.